Hyundai’нинг Бразилиядаги дилерлик маркази узоқ вақт салонга келиб-кетиб юрган бошпанасиз итни ишга олди. Tucson лақабли ит шоурумнинг расмий ходимига айланди, деб хабар беради Motor.
2020 йилнинг баҳорида Бразилиянинг Серра шаҳрида бошпанасиз ит тез-тез Hyundai’нинг маҳаллий дилерлик марказига келадиган бўлган. Аввалига автосалон ходимлари итни боқиб, у туманни яқин орада тарк этишига умид қилган. Бироқ бир неча ҳафта давомида у ҳар куни қайтиб келаверган. Натижада дилерлик маркази менежери итга юқори баҳо бериб, уни шоурумнинг автомобиль консультанти лавозимига ишга жойлаштирган.
Янги ходим Корея брендидаги кроссовер шарафига Tucson лақабини олган. Бундан ташқари, ҳайвон автосалон ходими деган гувоҳномага ҳам эга бўлган. Итга барча зарур эмлашлар қилинган, шунингдек, автосалон залига махсус бўлмача ўрнатилган.
Эслатиб ўтамиз, шу йилнинг май ойида АҚШнинг Виржиния штати политехника университети Мус лақабли лабрадор-ретривер зотли итга ветеринария фанлари доктори унвонини берган эди.
Изоҳ (0)