Кинокомпания фильмдаги иштирокини тўхтатган актриса Ева Гриндан 130 млн доллар талаб қилди

Француз модели ва актрисаси Ева Грин «Ватанпарвар» фантастик триллерида суратга тушиш жараёнида муаммога дуч келди. White Lantern кинокомпанияси юлдуздан суратга олиш жараёни тўхташига сабаб бўлгани учун 130 миллион доллар талаб қилди. Бу ҳақда «Korrespondent.net» хабар берди.

Киностудия аъзоларининг айтишига қараганда, 40 ёшли Грин суратга тушиш ишларини тўхтатиб қўйган. Уларнинг сўзларига кўра, актриса компанияга ортиқча талаб қўя бошлаган. У қўшимча тарзда продюсер Пола Сарони визуал эффектлар бўйича назоратчи Жорж Звира ва сценарий муаллифи Жанетт МакГрат ёллашни талаб қилади. Шунингдек, юлдуз компанияга ўзининг ёрдамчиларига ҳақ тўланиши кераклигини ҳам айтган.  Охирида эса актриса «Ватанпарвар» фильмида суратга тушишдан ҳам бош тортган.

Бу орада Ева кинокомпанияни ҳам судга берди. У 1 миллион доллардан кўпроқ гонорар талаб этган. Актрисанинг сўзларига кўра, шартномада кўрсатилганидек фильм намойиш этилмаса-да, гонорарини олиши керак.