12—13 август кунлари Инсон ҳуқуқлари бўйича Самарқанд форуми ўтказилиши, ушбу форум ёшлар ҳуқуқларини тарғиб қилишнинг долзарб масалаларига бағишланиши тўғрисида хабар берилганди. Инсон ҳуқуқлари бўйича Ўзбекистон Миллий марказининг «Дарё»га маълум қилишича, Самарқанд веб-форумида Ўзбекистоннинг ёшлар ташкилотлари қатнашади.
Маълум қилинишича, Самарқанд веб-форумида ёшлар ҳуқуқ ва манфаатларини ҳимоя қилишнинг энг муҳим жиҳатлари муҳокама қилиниши муносабати билан унинг ишида 30 дан ортиқ Ўзбекистон ёшлар ташкилотлари вакиллари Республиканинг барча ҳудудларидан туриб иштирок этади.
Жумладан, веб-форумда иштирок этишга қуйидаги ёшлар ташкилотлари ихтиёр билдирган:- Ўзбекистон ёшлар иттифоқи ва унинг ҳудудий бўлимлари;
- Олий Мажлис Сенати ҳузуридаги Ёшлар парламенти;
- Олий Мажлис Қонунчилик палатаси ҳузуридаги Ёшлар парламенти;
- «Юксалиш» умуммиллий ҳаракати ва унинг ҳудудий бўлинмалари;
- Республика ёш олимлар ассоциацияси;
- Ёш ижодкорлар кенгаши;
- Ўзбекистон ёшлар тадбиркорлигини қўллаб-қувватлаш маркази;
- Имконияти чекланган болалар ва ёшлар маркази масъулияти чекланган жамияти;
- Ўзбекистон ёшлари умумжаҳон ассоциацияси;
- Ёш ҳуқуқшунослар кенгаши;
- Республика ёшлар маркази ва бошқа ташкилотлар.
Ушбу форум инсон ҳуқуқлари соҳасида халқаро ва минтақавий ҳамкорликни мустаҳкамлаш мақсадида ташкил этилаётган иккинчи халқаро анжуман ҳисобланади. «Инсон ҳуқуқлари бўйича Осиё форуми» деб номланган биринчи халқаро анжуман 2018 йил 22—23 ноябрь кунлари Самарқандда бўлиб ўтган. Унинг иштирокчилари томонидан Инсон ҳуқуқлари бўйича Самарқанд декларацияси қабул қилинган.
Маълумот учун, Самарқанд форумида Бирлашган Миллатлар Ташкилоти, Европа Иттифоқи, Ислом Ҳамкорлик Ташкилоти, Мустақил Давлатлар Ҳамдўстлиги, Африка Иттифоқи тизимидаги ёшлар тузилмалари раҳбарлари, дипломатик корпус вакиллари, инсон ҳуқуқлари бўйича халқаро, минтақавий ва миллий институтлар, фуқаролик жамияти институтлари, ёшлар ташкилотлари вакиллари, олимлар ва экспертлар, жами 300 дан ортиқ киши иштирок этиш истагини билдирган.
Изоҳ (0)