Ўзбекистон давлат бюджети даромадлари 2020 йил I ярим йилликда 58,2 триллион сўмни ташкил этди ёки 2019 йилнинг мос даврига нисбатан 7,5 триллион сўмга кўп маблағлар ундирилди, дея хабар бермоқда Молия вазирлиги.
Маълум қилинишича, давлат бюджети даромадларининг асосий қисми солиқ ва божхона тушумлари ҳисобига таъминланмоқда. Бунда солиқсиз даромадларнинг улуши кўпаймоқда, бу, энг аввало, давлат улушига ҳисобланган дивидендлар тушумининг кўпайиши билан боғлиқ.
Қайд этилишича, 2020 йил 1 июль ҳолатига кўра, солиқ тушумлари 45,9 триллион сўмни ташкил этиб, 2019 йилнинг мос даврига нисбатан 6,8 триллион сўмга (17,2 фоиз) кўп маблағлар ундирилган.
Иқтисодий фаолликнинг пасайиши ва коронавирус пандемияси даврида берилган солиқ имтиёзлари сабабли II чоракда солиқ даромадларининг пасайишига қарамасдан жами солиқ тушумлари миқдори I ярим йилликда ўсгани маълум қилинган.
Мавзуга доир
- Инқирозга қарши курашиш жамғармасининг харажатлари 430 млн доллардан ошиб кетди
- Молия вазирлиги икки кун ичида Ўзбекистонда коронавирусга қарши курашаётганларга қанча маблағ тўлаб берилганини маълум қилди
- Ўзбекистон молия вазири ўринбосари: «Пенсия ва нафақаларнинг 10 фоизга оширилиши инфляцияга боғлиқ эмас»
Изоҳ (0)