Москва вилоятида август охирида «Кастом Конвенция» номи остида кастомайзерлар йиғини бўлиб ўтади. Унда кўплаб қизиқарли лойиҳалар тақдим этилади, бироқ Америка услубидаги «ГАЗ-53» автошоунинг ўзига хос қисмига айланиши кутилмоқда, деб хабар беради Carakoom.
АҚШда кабина қисми ёпиқ юк бўлмасига эга бу турдаги кузовлар Panel Van деб аталади. Бу каби фургонлар кўпинча оддий пикаплардан яратилади. Улардан кичик дўкон ёки устахона сифатида фойдаланиш мумкин.
Мазкур ҳолатда ушбу лойиҳа Россия, Украина ёки Беларусдаги ягона ҳисобланади. Шу сабабли у Россиядаги биринчи Panel Van’га айланиши кутилмоқда. Уни Dankoo Customs — эски автомобилларни кастомайзинг (эгасининг хоҳиш-истакларига мувофиқ тайёр нарсаларни безатиш ва ўзгартириш) қилиш билан шуғулланадиган кичик устахона усталари яратмоқда.
Мамлакатда тўлиқ ўлчамли фургон яратишга хизмат қиладиган пикаплар бўлмагани сабаб бунда «ГАЗ-31029» асосидан фойдаланилган. Стандарт тўрт цилиндрли мотор V8’га алмаштирилган.
Кабина ва олд таянч қисмлар «ГАЗ-53» юк машинасидан олинган, кузовнинг қолган барча орқа қисмини қайтадан металл бўлакларидан ясашга тўғри келган. Орқа қанотлари ҳам «ГАЗ-53»нинг олд қанотлари ҳисобланади.
Dankoo Custom’нинг Instagram’даги саҳифасида маълум қилинишича, фургон устида ишлар давом этмоқда ва ҳали якунланмайди.
Изоҳ (0)