Андижон вилояти Асака туманидаги «Шарқ ҳақиқати» массиви раҳбари Ш.А. ер ажратиб беришни ваъда қилиб, фуқародан 15 минг АҚШ доллари олаётганда қўлга тушди. Бу ҳақда «Дарё»га Бош прокуратура матбуот хизмати хабар берди.
Маълум қилинишича, Ш.А. ўзи раҳбарлик қилаётган массив ҳудудидан Асака туман ҳокимлиги мансабдор шахслари орқали иссиқхона қуриш учун 2 гектар ер майдони ажратиб бериш эвазига фуқаро Б.А.дан 30 000 АҚШ доллари талаб қилган.
Пулнинг тенг ярмини Б.А.нинг яшаш уйида санаб олаётганда Бош прокуратура ҳузуридаги департаментнинг вилоят бошқармаси ва ДХХ ходимлари томонидан жиноят устида қўлга олинган.
Ҳолат юзасидан фирибгарлик ва пора беришга қасд қилиш аломатлари билан жиноят иши қўзғатилиб, Ш.А. гумондор тариқасида ҳибсга олинган.
Мавзуга доир:
- Фарғонада масжид фаолияти учун рухсатнома олиб бериш эвазига 39 млн сўм пора олган адлия ходимига жиноят иши қўзғатилди
- Танзила Норбоева: СЭС мутасаддилари 1,75 млрд сўмдан ортиқ маблағни талон-торож қилган
- Бухорода оилавий ётоқхонадан уй бериш эвазига 4 минг доллар сўраган мансабдор жиноят устида қўлга олинди
Изоҳ (0)