2019—2020 йилларда суратга олинган ҳамда турли платформаларда томоша қилиниш сони бўйича етакчилик қилаётган турк фильмлари ТОП-5 талигини эътиборингизга ҳавола этамиз.
1. «7-бўлмадаги мўъжиза» (драма)
Бош ролларда:
Арас Булут Ийнемли, Ниса София Аксонгур, Дениз Байсал Желиле, Тойон Уйсал, Илкер Аксум.
Режиссёр:
Меҳмет Ада Ўзтекин.
« 7-бўлмадаги мўъжиза» фильми 7 ёшли қизи билан бир хил ақл-заковатга эга бўлган отанинг адолати ҳақида. 1983 йилда Эгей шаҳарчасида кичкина қиз вафот этади. Бу ҳарбий қўмондоннинг қизи эди. Бувиси билан яшайдиган ва 7 ёшли қизи бўлган Мемо унинг ўлимида айбдор деб топилади. Мемо ўзининг айбсиз эканини тушунтирса-да, унга ҳеч ким ишонмайди. Ўлимга ҳукм қилинган Мемонинг қариндошлари адолат учун курашади.
2. «Бир ишқ икки ҳаёт» (драма)
Бош ролларда:
Бергузар Корел, Энгин Акюрек, Ипек Билгин, Дилара Чакир, Серҳат Парил.
Режиссёр:
Али Билгин.
Фильм қаҳрамони Умут бир куни кечқурун итини сайр қилдириш учун кўчага чиқади. Бу сайр унинг бутун тақдирини ўзгартиради. Умут ҳаётининг севгиси – Дениз билан танишади. Умутнинг касби режиссёр, Дениз эса архитектор. Иккиси ҳам бир-бирини севиб қолади. Аммо ҳаммаси шунчаки оддий эмас, бу учрашув кўплаб кутилмаган ёқимли ва фожиавий воқеаларни юзага чиқаради.
3. «Реджеп Иведик 6» (комедия)
Бош ролларда:
Шаҳан Гўкбакар, Нуруллаҳ Желеби, Сомер Карван, Чиди Бенжамин, Жон Кепсин Мисоди Теке.
Режиссёр:
Тоган Гўкбакар.
Реджеп Иведик кўчада топиб олган ҳамёнининг Анталия шаҳридан бўлган жуда муҳим бир ишбилармонга тегишли эканини билиб, жануб томон йўл олади. Саёҳат давомида кулгили ҳодисаларга дуч келган Реджеп, ниҳоят, Анталияга келади ва ҳамённи туризм менежери Муҳсин Бейга топширади. Муҳсин бу пул билан ўз меҳмонхонасида туришни таклиф қилади. Режеп буни қабул қилмайди ва кетаётиб, болаликдаги севгилиси Сибелни кўради. Унга ёқишга ҳаракат қилади. Лекин Сибел уни танимайди. Шундан сўнг, Реджеп меҳмонхонада қолишга рози бўлади. Реджеп Сибелга ёқиш учун ҳаракат қилиб, кулгили воқеаларни бошдан кечиради.
4. «Каракомик фильмлер: 2 Арада» (драма)
Бош ролларда:
Жем Йилмаз, Жемре Эбуззия, Ўзан Гювен, Зафер Алгўз, Ураз Кайигиларўғли.
Режиссёр:
Жем Йилмаз.
«Каракомик фильмлар», «Качамак» ва «2 Арада» деб номланган икки хил фильмдан иборат. «Качамак»да таътилга бирга борадиган 4 дўстнинг саргузаштлари ҳақида гап кетади, «Арада» фильмида бутун ҳаёти параходда кечган Айзек исмли одамнинг ҳаёти ҳикоя қилинади.
5. «Эртага битта чипта» (мелодрама)
Бош ролларда:
Метин Акдюлгер, Дилан Чичек, Дениз Тевфик Картал, Фатма Филиз Сенcан, Исмаил Сен.
Режиссёр:
Ўзан Ачиктан.
Фильмда Анқарадан Измирга саёҳат пайтида йўллари кесишган икки нотаниш жуфтликнинг ишқи ҳикоя қилинади.
Изоҳ (0)