Туриннинг «Ювентус» клуби бош мураббий Маурицио Сарри билан шартномани бекор қилгани туфайли унга 20 миллион евро товон пули тўлайди. Бу ҳақда Football Italia хабар берди.
Клубнинг Сарри билан амалдаги шартномаси 2022 йилгача мўлжалланган эди. Унинг йиллик маоши эса 5,5 миллион еврони ташкил қилган. Таъкидланишича, битим муддатидан аввал бекор қилингани учун «Ювентус» италиялик мутахассисга 20 миллион евро товон пулини тўлаб беради.
Эслатиб ўтамиз, «Ювентус» Чемпионлар Лигаси 1/8 финал босқичида «Лион» тўсиғидан ўта олмагани учун Саррини истеъфога чиқариб, унинг ўрнига Андреа Пирлони бош мураббий этиб тайинлади.
Сарри ўтган мавсум аввалида «Ювентус»га бош мураббий бўлганди. Клуб у билан А Серияда ғолиб чиқди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)