Олий ва ўрта махсус таълим вазири ўринбосари Ўктам Саломов АОКА залида бўлиб ўтган матбуот анжуманида 2020/2021-ўқув йили 1-босқич талабалари учун ҳам онлайн тарзда бошланиши мумкинлигини маълум қилди.
«Юқори курс, яъни бакалавр босқичининг 2, 3, 4-босқич талабаларига ҳозирча сентябрь ойидан бошлаб масофавий таълим бошланади. Тест синовлари тугагач, октябрь ойида 1-курсларни ҳам қабул қилиб олганимиздан кейин пандемия сал юмшаса, балки, анъанавий тизимга яна қайтармиз. Агар эпидемиологик шарт-шароит тўғри келмайдиган бўлса, 1-курсларни ҳам масофавий таълим шаклига ўтказишни бошлаймиз», — деди Салимов.Қайд этилишича, 1-курсга қабул қилинган талабалар учун дарс машғулотлари 1 октябрдан бошланади.
Матбуот анжуманида ўқув йилини қай тартибда бошлаш бўйича ҳар битта механизм шу вақтгача 3 марта олий таълим муассасалари ректорлари, ўқув ишлари бўйича проректорлар, ўқув бўлими бошлиқлари билан муҳокама қилингани айтиб ўтилди.
Мавзуга доир: Олий ва ўрта махсус таълим вазирлиги: Айрим йўналишларда ижодий имтиҳонлар бекор қилиниши бўйича таклиф киритилган
Изоҳ (0)