Наманган вилоятида 2020 йилнинг 7 ойи давомида 39400 нафар чақалоқ дунёга келди. Бу ҳақда «Дарё» мухбири Азизбек Абдувалиев хабар бермоқда.
Бу кўрсаткич ўтган йилнинг шу даврига нисбатан 1280 нафар ёки 3,3 фоизга кўп.
Маҳаллий ФҲДЁларда ўғил чақалоқларга энг кўп Муҳаммад, Мустафо ва Абдуллоҳ, қизларга эса Солиҳа, Мубина ва Хадича исмлари қўйилаётгани қайд этилган.
ДХА вилоят бошқармаси матбуот хизматига кўра, Наманганда 2020 йилнинг 7 ойи давомида никоҳ тузилиши ўтган йилнинг шу даврига нисбатан 2864 тага ёки 32 фоизга, ажримлар эса 409 тага ёки 30 фоизга камайган.
Бу ҳолат карантин шароитида ФҲДЁ идоралари тўлақонли фаолият юритмагани билан изоҳланмоқда.
Изоҳ (0)