Республика бўйича коронавирусга қарши кураш тадбирлари учун 2020 йилнинг 4 августига қадар жами 1 триллион 303 миллиард сўм маблағлар харажат қилинган бўлиб, жумладан, коронавирусга қарши кураш тадбирларига жалб қилинган тиббиёт ходимларига 3—4 август кунлари 15 миллиард 763 миллион сўм маблағ тўлаб берилган. Бу ҳақда Молия вазирлиги ҳисоботида маълум қилинди.
Маълум қилинишича, 4 август куни Инқирозга қарши курашиш жамғармасидан короновирусга қарши курашиш тадбирларига жалб этилган 927 нафари тиббиёт, санитария-эпидемиология хизмати ва бошқа ходимларга 7 миллард сўм қўшимча рағбатлантириш тўловлари тўланган.
Шунингдек, 502 нафар ходимнинг ойлик лавозим маошига 6 фоиз миқдорида ҳар кунлик қўшимча тўлов сифатида 711 миллион сўм тўланган. Шундан 139 нафар шифокорга – 276 миллион сўм, 216 нафар ўрта тиббиёт ходимга – 287 миллион сўм, 112 нафар кичик тиббиёт ходимга – 121 миллион сўм, 35 нафар бошқа ходимларга – 27 миллион сўм берилган.
4 август куни 378 нафар ходимга 14 кунлик фаолият даври учун махсус қўшимча рағбатлантириш тўлови сифатида 6,3 миллиард сўм тўланган. Жумладан, 89 нафар шифокорга – 2,5 миллиард сўм, 147 нафар ўрта тиббиёт ходимга – 2,5 миллиард сўм, 107 нафар кичик тиббиёт ходимга – 1,2 миллиард сўм ва 35 нафар бошқа ходимларга – 163 миллион сўм берилган.
3 август куни эса айни мақсадлар учун 1585 нафар тиббиёт, санитария-эпидемиология хизмати ва бошқа ходимларнинг 8,7 миллиард сўм қўшимча рағбатлантириш тўловлари тўланган.
Шу жумладан:
– ойлик лавозим маошига 6 фоиз миқдорида ҳар кунлик қўшимча тўловлари 952 нафар ходимга 1,6 миллиард сўм, хусусан, 450 нафар шифокорга – 893 миллион сўм, 327 нафар ўрта тиббиёт ходимга – 407 миллион сўм, 98 нафар кичик тиббиёт ходимга – 137 миллион сўм ва 77 нафар бошқа ходимларга – 129 миллион сўм;
– 14 кунлик фаолият даври учун махсус қўшимча рағбатлантириш тўловлари бўйича 593 нафар ходимга 7,1 миллиард сўм, шундан: 119 нафар шифокорга – 2,4 миллиард сўм, 263 нафар ўрта тиббиёт ходимига – 3,1 миллиард сўм, 170 нафар кичик тиббиёт ходимга – 1,5 миллиард сўм ва 41 нафар бошқа ходимларга – 160 миллион сўм тўлаб берилган.
Эслатиб ўтамиз, Ўзбекистонда коронавирус инфекциясидан зарарланган беморлар билан мулоқотга киришадиган, зарарланган беморлар жойлаштирилган объектларда ҳамда коронавирус инфекциясини аниқлаш лабораторияларида фаолият олиб бораётган тиббиёт ходимларига ҳар 14 кунлик фаолият даври учун махсус қўшимча рағбатлантириш тўлови белгиланган. Шунингдек, беморлар билан ишлаш давомида коронавирус инфекциясини юқтириб олган тиббиёт, санитария-эпидемиология хизмати ва бошқа ходимларга 100 миллион сўмдан тўланади.
Коронавирус инфекциясига қарши курашиш доирасида беморлар билан ишлаган вақтида коронавирус инфекциясини юқтириш натижасида оғир аҳволга тушган ва соғлиғи тикланмаган тақдирда тиббиёт, санитария-эпидемиология хизмати ва бошқа ходимларга ёки уларнинг оила аъзоларига эса 250 миллион сўм миқдорида бир марталик тўловлар тўланади.
Изоҳ (0)