Москвада ўтган бир сутка ичида 695 кишида коронавирус аниқланди. Бу ҳақда Россия пойтахти тезкор штабига таяниб, «РБК» хабар берди.
Мазкур суткалик кўрсаткич июль ойидаги максимумга айланди. Москвада бундан олдинги суткалик рекорд 30 июнда қайд этилган бўлиб, ўшанда 745 кишида коронавирус аниқланган эди.
Маълумотларга кўра, Москвада коронавирус билан касалланганларнинг умумий сони 241 359 кишига етган. Ҳозирга қадар беморларнинг 179 168 нафари соғайган, 4460 киши эса COVID-19 қурбонига айланган.
Бутун Россия бўйлаб эса пандемия бошланганидан буён коронавирусга чалинганлар сони 839 981 кишини ташкил этмоқда. Ўтган бир сутка ичида бутун мамлакатда яна 5482 кишида COVID-19 тасдиқланган.
Аввалроқ Москва мери Сергей Собянин шаҳар аҳолисининг 60 фоизида коронавирусга қарши жамоавий иммунитет шаклланганини маълум қилганди.
Изоҳ (0)