Фарғона вилояти Қува туманидаги Каркидон сув омбори ҳудудида 5 гектар ер туристик объектларга инвестиция киритиш шарти билан сотувга қўйилди, деб хабар қилди Туризмни ривожлантириш давлат қўмитаси матбуот хизмати.
Ер участкалари Вазирлар Маҳкамасининг 2018 йил 3 декабрдаги Экотуризмни ривожлантириш чора-тадбирлари тўғрисидаги қарорига мувофиқ сотилмоқда.
Ҳудуд 12 та участка (лот)га бўлинган. Меҳмонхоналар, мотеллар, дам олиш ва кўнгилочар масканлар, ресторанлар, сув спорти объектлари, пляж зонаси ва искала (пристань) қуриш режалаштирилган. Мажмуанинг умумий қиймати 27,8 миллиард сўмни ташкил этади, лойиҳада 100 га яқин иш ўринлари яратилади.
Кимошди савдосига қўйилган ер участкаси Қува вилояти марказидан 12,7 километр масофада Тошкент–Ўш Фарғона–Андижон трассасида ва Фарғона шаҳридан 34,1 километр масофада жойлашган.
Матбуот хизматининг хабар беришича, кимошди савдоси 29 июлда якунланиши режалаштирилган.
Изоҳ (0)