Берлинда тулки маҳаллий аҳолининг 100 жуфтдан ортиқ оёқ кийимларини ўғирлаб кетди. Бу ҳақда Кристиан Майер исмли фуқаро ўзининг Twitter’даги саҳифаси орқали эълон қилди.
Мазкур ҳодиса Берлин жануби-ғарбидаги Селендорф туманида содир бўлган. Маҳаллий аҳоли кечаси террасада турган кроссовкасининг бир пойи йўқолганини пайқаб қолган.
Эркак кроссовка йўқолгани ҳақида «Nebenen.de» маҳаллий интернет-ресурсига ёзиб қолдирган. Маълум бўлишича, округнинг кўплаб аҳолисида шу каби муаммо юзага келган.
Орадан бир мунча вақт ўтгач Майер бир жуфт кўк шиппакни судраб кетаётган тулкини кўриб қолган. Эркак тулки орқасидан яшил ҳудудга қадар бир соатга яқин кузатиб борган. Боғ ичида эркак ҳайвон томонидан ўғирланган кўплаб оёқ кийимлар жойлашган яширин инни топиб олган.
Таъкидланишича, интернет орқали ҳозирча уч жуфт оёқ кийимнинг эгаси топилган.
Изоҳ (0)