Давлат солиқ қўмитаси ахборот хизмати 2020 йил 26 июль куни Иккинчи жаҳон уруши қатнашчиси, Ўзбекистонда солиқ хизмати ривожига муносиб ҳисса қўшган 94 ёшли меҳнат фахрийси Георгий Любимовнинг вафот этганини хабар қилди.
«Георгий Федорович Любимов 1990 йилларда Давлат солиқ хизматида номзодларни саралаб олиш ва ходимларни ишга тайинлаш билан шуғулланган. У 10 йил давомида ДСҚ кадрлар ва уларни қайта тайёрлаш бўлимига раҳбарлик қилган.
Давлат солиқ қўмитаси Георгий Любимовнинг вафоти муносабати билан марҳумнинг яқинлари ва оила аъзоларига чуқур ҳамдардлик изҳор қилади», – дейилади ДСҚ ахборот хизматининг некрологида.
Аввал 14 июль куни Ўзбекистонда хизмат кўрсатган артист Абдурайим Абдуваҳобов 57 ёшида вафот этгани, 18 июлда Ўзбекистонда хизмат кўрсатган артист Анвар Кенжаевнинг оламдан ўтгани ҳақида хабарлар берилган.
Шунингдек, «Ўзкомназорат» давлат инспекцияси Телерадиоэшиттириш бўлими бошлиғи Козим Саидов 51 ёшида вафот этгани, Ўзбекистон халқ шоири Шукрулло (Юсупов) 19 июль куни 99 ёшида оламдан кўз юмгани хабар қилинганди.
Изоҳ (0)