Ўзбекистон Президенти Шавкат Мирзиёев Россия президенти Владимир Путин билан телефон орқали мулоқот қилди, дея хабар берди Президент матбуот хизмати.
Мулоқот давомида Владимир Путин давлат раҳбарини таваллуд куни билан чин дилдан муборакбод этиб, фаровонлик ва муваффақият тилади.
Раҳбарлар ўтган ойда Москва шаҳрида бўлиб ўтган амалий учрашувда эришилган келишувларни амалга ошириш масаласига алоҳида эътибор қаратди.
Бундан ташқари, Шавкат Мирзиёевни Қозоғистон президенти Қосим-Жўмарт Тоқаев, Қирғизистон президенти Сооранбай Жээнбеков, Тожикистон президенти Имомали Раҳмон, Туркманистон президенти Гурбангули Бердимуҳамедов ва Қозоғистон биринчи президенти Нурсултон Назарбоев туғилган кун билан табриклади.
Маълумот учун, Ўзбекистон Президенти 24 июль куни 63 ёшга тўлди.
Изоҳ (0)