Тошкентнинг Миробод тумани Авлиё ота кўчаси 6-уйда жойлашган мебель цехида 24 июль куни соат 02:14 ларда ёнғин келиб чиқди. Бу ҳақда Тошкент шаҳар Фавқулодда вазиятлар бошқармаси хабар берди.
Маълумотларга кўра, цехнинг ички ва том қисмининг 100 квадрат метри ёниб кетган. Ёнғин-қутқарув жанговар бўлинмалари манзилга соат 02:22 да етиб борган ва кўрилган тезкор чора ва ҳаракатлар натижасида ёнғин соат 02:46 да бартараф этилган. Цехнинг 100 квадрат метр майдондан ортиқ қисми сақлаб қолинган.
Таъкидланишича, ёнғин жойига 4 та ёнғин-қутқарув техникаси жалб қилинган.
Ҳозирда ёнғин сабаблари ва келтирилган моддий зарар миқдори аниқланмоқда.
Аввалроқ Андижондаги тикув цехида ва Сергелидаги пахта корхонаси омборхонасида, Яшнободдаги ёғ қадоқлаш цехида, пойтахтда жойлашган Жомий бозори яқинидаги бир нечта қурилиш дўконларида ёнғин келиб чиққани тўғрисида хабар берилганди.
Изоҳ (0)