Ўзбекистонда 2020 йил 24 июль соат 17:00 ҳолатига кўра, коронавирус инфекцияси қайд этилган беморлар сони 193 кишига кўпайиб, 19 179 нафарни ташкил этмоқда. Бу ҳақда Соғлиқни сақлаш вазирлиги хабар берди.

Янги касалланган беморларининг

• 106 нафари Тошкент шаҳрида,
• 52 нафари Қашқадарё вилоятида,
• 35 нафари Андижон вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Хабар берилишича, 24 июль куни Андижон вилоятида 45 нафар, Навоий вилоятида 9 нафар, жами 54 нафар бемор тузалди. Шундай қилиб, Ўзбекистонда коронавирус инфекциясига чалинган 10 203 нафар фуқаро соғайиб, тузалиш кўрсаткичи 53 фоизни ташкил этмоқда. Соғлиқни сақлаш вазирлиги ҳисоб-китобига кўра, мамлакатда касаллик қайд этилганидан буён 104 киши касаллик қурбони бўлган.

Ҳозирда мамлакатда 8872 нафар беморга шифокорлар томонидан белгиланган стандартлар бўйича даво чоралари кўрилмоқда.