Коронавирусга қарши курашиш штаби аъзоси Барно Одилова уйда даволанганда аҳоли томонидан йўл қўйилаётган хатоларга тўхталиб ўтди.
Дастлаб мутахассис бугунги кунда коронавирусга чалиниб, нафас олишда муаммога дуч келганда уй шароитида кислород баллонларидан фойдаланиш масаласини изоҳлади.
«Тиббиёт ходимлари уй шароитида бундай кислород баллонларини ишлатишни тавсия этмаймиз. Чунки улардан фойдаланганда техника хавфсизлигига риоя этмаслик оқибатида нафақат инсоннинг ўзига зарар етказиш, балки ёнғин чиқишига ҳам сабабчи бўлиб қолиш мумкин».
Мавзуга доир: Ўзбекистонда вирусга қарши дори воситаларини ўзбошимчалик билан қабул қилмаслик тавсия этилди
Шунингдек, мутахассис венага томчилатиб қилинган уколлар (капелницалар) қилиш муолажалари натижасида нафақат ўпкада зотилжам, балки суюқликнинг бирданига кўп миқдорда юборилиши оқибатида ўпка шишиши ҳолатлари ҳам кўп кузатилаётганини қайд этди. Антибиотик ва вирусга қарши препаратларни билиб-билмасдан қабул қилиш орқали организмга бефойда таъсирини қўзғаш, асоратларига учраб қолиш хавфини юзага келтириши яна бир бор таъкидланди.
Эслатиб ўтамиз, аввалроқ Ўзбекистонда 5 июлдан бошлаб коронавирусга чалинган айрим тоифа беморлар ўз уйида даволаниши мумкинлиги, шифохоналар ва уйда даволанаётган касаллик аломатларсиз енгил шаклда кечаётган беморлар 10 кун муддатда клиник белгилари кузатилмаган тақдирда назоратдан чиқарилиши, уй шароитида даволанаётган беморлар ҳамда карантинга олинган шахсларга жойига чиққан ҳолда тиббий ёрдам кўрсатишга ихтисослашган мобил гуруҳлар ташкил этилиши хабар қилинган эди.
Изоҳ (0)