ИИВ ЙҲХББ хабарига кўра, М-34 халқаро аҳамиятдаги автомобиль йўлининг Тошкент—Термиз йўналишида қатнов қисми вақтинчалик ёпилди.
Қайд этилишича, ушбу халқаро аҳамиятдаги автомобиль йўлининг 91-километрида жойлашган кўприкнинг асос қисми чўкиб, ҳозирги вақтда носоз ҳолга келиб қолганлиги ва капитал таъмирлаш ишлари олиб борилиши сабабли ёпилган.
Транспорт воситаларининг ҳаракатланиши Термиз—Тошкент йўналишига ўтказилиб, бир йўналишда ташкил этилган.
«Юқоридагиларни инобатга олиб ҳайдовчилардан мазкур ҳудуддан ҳаракатланиб ўтиш давомида йўл ҳаракати қоидаларига қатъий риоя қилишларини, ҳаракатни тартибга солувчининг ишораларига амал қилган ҳолда ҳаракатланишларини сўраб қоламиз», — дейилади хабарда.
Изоҳ (0)