Нима учун охирги пайтларда маҳаллаларда рейдлар ўтказилмаяпти, айниқса, кўп қаватли уйлар атрофида одамлар тўпланиб, ниқобсиз суҳбат қуриб ўтиришибди, ёш болалар бемалол ўйнаб юришибди. Нима учун улар назоратга олинмаяпти? Юқоридаги саволларга АОКА ҳузурида ташкил этилган брифингда Санитария-эпидемиология назорати давлат инспекцияси бошлиғи Нурмат Отабеков жавоб берди.
«Ҳозирги пайтда тегишли ташкилотлар, хусусан туман Санитария-эпидемиология назорати давлат инспекцияси , маҳалла фаоллари, Миллий гвардия ва ички ишлар билан биргаликда бу борада ишлар олиб бориляпти.
Бироқ бир нарсани англаб етишимиз керакки, республикадаги 34 миллион аҳоли устидан назорат қилиб бўлмайди. Биз бир-биримизни назорат қилишга ҳам ўрганишимиз керак. Бир-биримизга танбеҳ бериш, эътироз билдириш, тушунтириш орқали бу каби ҳолатларни енгишимиз мумкин. Зеро улар ўзларининг соғлиғини асрашни хоҳламас эканлар, у ҳолда сиз билан бизнинг саломатлигимизни хавф остига қўйишларига ҳам ҳақлари йўқ!», – дейди Нурмат Отабеков.
Аввалроқ Нурмат Отабеков Ўзбекистонда антитана учун тест ўтказилиб, аҳолининг қанча қисмида коронавирусга иммунитет борлиги аниқланишини маълум қилган эди.
Изоҳ (0)