Тошкент шаҳрида 113 та янги касалланиш ҳолати аниқланди. Ўзбекистонда касалланганларнинг умумий сони 16 600 нафардан ошди

Ўзбекистонда 19 июль соат 17:00 ҳолатига кўра, коронавирусга чалинганларнинг сони 178 нафарга кўпайиб, жами касалланиш ҳолатлари сони 16 607 тага етди. Бу ҳақда Соғлиқни сақлаш вазирлиги хабар бермоқда.

Янги касалланиш ҳолатларининг

• 65 таси карантин марказидаги (барчаси хориждан келган) фуқаролар орасида;
• 113 таси Тошкент шаҳрида тана ҳарорати кўтарилганлиги сабабли профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

«Соғайганлар сони 9 178 нафарни (55 фоиз) ташкил қилмоқда. 7 344 нафар беморга шифокорлар томонидан белгиланган стандартлар бўйича даво чоралари кўрилмоқда», — дейилади хабарда.

Аввал 19 июль соат 10:00 ҳолатига кўра, коронавирус инфекциясини юқтириб олганлар сони 243 кишига кўпайгани ва касалланганларнинг умумий сони 16 429 нафарга етгани хабар қилинганди.

Соғлиқни сақлаш вазирлиги томонидан юритилаётган ҳисоб бўйича, расман беморларнинг 85 нафари вафот этган («Дарё» ҳисоби бўйича вафот этган беморлар сони камида 86 нафарни ташкил этади).