Тошкент шаҳар ҳокимлиги матбуот хизматининг маълум қилишича, 14 июлдан бошлаб пойтахтда 1197 қисқа рақамли Ҳомийлик ёрдамларини мувофиқлаштирувчи марказ ишга тушган.
Марказ орқали пандемия шароитида аҳолининг эҳтиёжманд қатламига кундалик зарур маҳсулотлар етказиб берилади.
«Ҳурматли ҳамшаҳарлар, бугунги кунда коронавирус тарқалишининг олдини олиш, карантин талабларига сўзсиз риоя қилиш ва фақат зарурат бўлгандагина кўчага чиқиш кераклигини унутманг. Биз биргаликда бир кучмиз ва бу хасталикни, албатта, енгамиз», — дейилади хабарда.
Эслатиб ўтамиз, март ойида жорий этилган карантин чоралари вақтида ҳам Тошкент шаҳар ҳокимлигида саховатпеша инсонларнинг ёрдамларини етказиб бериш бўйича марказ ташкил этилган эди.
Мавзуга доир:
Изоҳ (0)