АҚШ президенти Дональд Трамп Walter Reed ҳарбий госпиталига ташрифи давомида ниқоб тақишга ваъда берди. Бу ҳақда «Korrespondent.net» хабар қилди.
«Мен жароҳат олган ҳарбийларимизни кўриш учун, шунингдек, COVID-19 билан курашаётган ва шундай ажойиб ишни бажараётган ходимларимизни кўриш учун Walter Reed’га бораман», — дея маълум қилган Трамп Fox News’га берган интервьюсида.
Шунингдек, Трамп госпиталга кирган вақтида ниқоб тақишини қўшимча қилган ва шифохонада бўлган вақтда бу тўғри иш эканлигини таъкидлаган.
АҚШ президентининг Walter Reed тиббий комплексига ташрифи 11—12 июль кунларига режалаштирилган.
Аввалроқ Дональд Трамп аҳолига ниқоб тақишни тавсия қилганди, лекин ўзи бу тавсияга амал қилмаслигини айтганди.
Эслатиб ўтамиз, АҚШ хорижлик талабаларга мамлакат ҳудудида онлайн таълим олишни тақиқлаши сабабли Гарвард университети ва Массачусетс технологиялар институти АҚШ президенти администрациясини судга берди.
Изоҳ (0)