Роспотребнадзор Россиянинг биринчи босқичда 13 та мамлакат билан авиқатновларни тиклашни таклиф этмоқда. «РБК»нинг хабар беришича, бу ҳақда ташкилот раҳбари Михаил Орловнинг мамлакат Транспорт вазирлиги ва Росавиацияга 8 июль куни йўллаган мактубида қайд этилган.
Рўйхатда Европанинг 9 та (Германия, Италия, Буюк Британия, Польша, Дания, Финляндия, Венгрия, Нидерландия, Норвегия) ва Осиёнинг 4 та давлати (Хитой, Шри-Ланка, Вьетнам, Мўғулистон) ўрин олган бўлиб, Марказий Осиёда бирорта давлат, хусусан, Ўзбекистон йўқ.
Мактубда парвозлар тикланиши вақти айтилмаган.
Шу билан бирга, «РБК»нинг ёзишича, ушбу 13 та мамлакат билан авиқатновлар тикланиши ҳақида ҳали қарор чиқмаган. Бу ҳозирча Роспотребнадзорнинг таклифи холос. «Бу таклифлардан биридир, кўп бора муҳокама қилинди. Якуний қарор, менимча ҳозиргисидан кескин фарқ қилиши мумкин», — деган бу борада идоралараро муҳокамадан хабардор бўлган «РБК» манбаларидан бири.
Аввалроқ Россия 15 июлдан бошлаб халқаро авиақатновларни қисман тиклашни режалаштираётгани, мамлакатга даволанишга ва яқин қариндошларини парваришлашга борадиган хорижликларга чегараларини очиши ҳамда ишлашга, ўқишга, даволанишга ва яқин қариндошларини парваришлаш учун мамлакатдан чиқиб кетмоқчи бўлган фуқароларга рухсат бериши ҳақида хабар берилганди.
Изоҳ (0)