Қашқадарё вилоят ИИБ ахборот хизмати Қарши шаҳрида ИИБ ҲПБ профилактика инспектори томонидан бир неча марта огоҳлантирилганига қарамай рафиқасига зўравонлик қилган эркак 15 суткага қамалганини хабар қилди.
Хабарда қайд этилишича, Қарши шаҳри «Насаф» маҳалласида яшовчи А.О. турмуш ўртоғи Х.Д.га тазйиқ ва зўравонлик ўтказган. Қарши шаҳар ИИО ФМБ 4-сонли ИИБ ҲПБ профилактика инспектори томонидан «Ҳимоя ордери» берилиб, эр-хотинга оила муқаддаслиги, фарзандларига намуна бўлиш кераклиги тўғрисида тушунтирилган, профилактик суҳбат ўтказилган.
Аммо А.О. ўзига тегишли хулоса чиқармасдан 6 июль куни турмуш ўртоғига нисбатан жамоат жойида тазйиқ ва зўравонлик қилмоқчи бўлган вақтида ИИБ ходимларининг қонуний талабларига бўйсунмагани учун қўлга олинган.
Унга Маъмурий жавобгарлик тўғрисидаги кодекснинг 183-моддаси (Майда безорилик) ва 194-моддаси 1-қисмига (Ички ишлар органлари ходимининг қонуний талабларини бажармаслик) асосан Маъмурий ишлари бўйича Қарши шаҳар суди томонидан 15 сутка маъмурий қамоқ жазоси тайинланган.
Мавзуга доир:
Изоҳ (0)