«Ростов» Элдор Шомуродовга рақобатчи сотиб олмоқда. Унга «Интер» ва «Монако» ҳам даъвогарлик қилганди

Шимолий Македониянинг «Работнички» клуби ҳужумчиси Давид Тошевски фаолиятини Россияда давом эттирадиган бўлди.

«РБ-Спорт» хабарига кўра, уни «Ростов» клуби сотиб олади. «Ростов» 18 ёшли македониялик футболчини келаси мавсумда асосий таркибга киритишига ишонтиргани таъкидланмоқда.

«Ростов» Тошевски учун 1 миллион евро сарфлаган ва 5 йил муддатга шартнома имзолайди. Қайд этиш жоиз, унга «Лилль», «Женоа», «Андерлехт», «Монако» ва «Интер» клублари ҳам қизиқиш билдирганди.

Ўтган мавсумда Тошевски «Работнички» сафида 21 ўйинда майдонга тушиб, 5 гол урган ва 3 голга ассистентлик қилган. Шунингдек, у Шимолий Македония ёшлар жамоасида ҳам бир нечта ўйин ўтказган.

Эслатиб ўтамиз, «Ростов»нинг айни дамдаги асосий ҳужумчиси ўзбекистонлик Элдор Шомуродов ҳисобланади.