Японияда кучли ёғингарчилик оқибатида содир бўлган сув тошқини қурбонлари сони 52 кишига етди. Бу ҳақда NHK телеканали хабар берган.
Қайд этилишича, икки киши оғир аҳволда, 12 нафари бедарак йўқолган. Мамлакат жануби-ғарбидаги Кюсю оролидаги Кумамото префектурасида 51 киши, яна бир киши шу оролда жойлашган Фукуока префектурасида ҳалок бўлган.
Мамлакат жануби-ғарбидаги Фукуока, Сага ва Нагасаки префектураларида хавфлиликнинг энг юқори даражаси эълон қилинган. Ҳукумат яна тошқинлар бўлишидан огоҳлантирмоқда. 8 та префектурада кўчки хавфи эълон қилинган.
Айрим ҳудуд аҳолисига эвакуация қилиш тавсия этилган. Сикокудаги Эхимэ ва Кюсюдаги Оитанинг ўзида 350 минг киши эвакуация қилиниши керак.
Эслатиб ўтамиз, табиий офат 15 июль куни юз берган. Кучли ёғингарчилик оқибатида бир нечта дарёлар тошган ва ҳудудни сув босган. Япония бош вазири Синдзо Абэ тошқиндан зарар кўрган ҳудудларга кўмак бериш мақсадида 10 минг нафар ҳарбийни ҳодиса жойига сафарбар этган.
Изоҳ (0)