«Ўзбек тилининг изоҳли луғати»нинг янги таҳрири 3 минг нусхада қайта нашр этилди. Бу ҳақда Ўзбекистон Фанлар академияси хабар берди.
Таъкидлаш керакки, Ўзбекистон Фанлар академияси Ўзбек тили, адабиёти ва фолклори институти (олдинги Алишер Навоий номидаги Тил ва адабиёт институти)нинг бир гуруҳ луғацҳунослари томонидан 2006—2008 йилларда 5 жилдли «Ўзбек тилининг изоҳли луғати» яратилган ва нашр этилган.
Ушбу луғатга 80 мингга яқин ўзбек адабий тилида кенг истеъмолда бўлган сўз ва сўз бирикмалари, фан, санъат, маданият ва техника соҳаларига оид терминлар, шеваларда қўлланадиган сўзлар, тарихий атамалар жамланган.
«Луғатнинг янги таҳририга эса жамиятда юз берган ўзгаришлар натижасида истеъмолга кириб келган юзлаб янги сўз ва атамалар киритилган. Масалан, брокер, депозит, дилер, консалтинг, лизинг, менежер, менежмент, мониторинг, ноу-хау, санация, холдинг, дисплей, интернет, монитор, принтер, сайт, сканер, файл сингари бир қанча янги сўзлар шулар жумласига киради», — дейилади хабарда.
Мавзуга доир: Қорақалпоқ тилининг янги изоҳли луғати тайёрланади
Изоҳ (0)