Қатарнинг «Ас-Садд» клуби бош мураббийи Хави жамоа билан амалдаги шартномасини узайтирди.
Испаниялик мутахассиснинг қатарликлар билан янги келишуви 2020/21 йилги мавсум охиригача мўлжалланган.
«Ас-Садд» жамоасини шуғуллантиришда давом этишдан мамнунман. Жамоанинг мақсади — барча совринлар учун курашиш», — дейди Хави.
Хави 2019 йилнинг ёзида «Ас-Садд» бош мураббийига айланганди. Мутахассис «бўрилар» билан 2019/20 йилги мавсумда Қатар Кубоги ва Суперкубогида ғолиб бўлди. Унга қадар футболчи мазкур клуб сафида тўп сурган.
Аввалроқ Хави мавсум якунида «Барселона» бош мураббийига айланиши мумкинлиги хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)