Италия чемпионатининг 30-турида «Интер» 5 июль, якшанба куни «Болонья»ни қабул қилди.
Учрашув кутилганидек майдон эгаларининг устунлигида бошланди. 22-дақиқада Ромелу Лукаку миланликларни олдинга олиб чиқди. 57-дақиқада меҳмонлар Роберто Сорианонинг четлатилишидан сўнг бир ўйинчи кам бўлиб қолди. Бироқ вазият кутилганидан бошқача акс олди. «Интер» футболчилари пенальти тепиш имкониятига эга бўлди, аммо Лаутаро Мартинес 11 метрлик жарима зарбасини аниқ ижро этолмади.
74-дақиқада Муса Жувара мувозанатни тиклади. Орадан уч дақиқа ўтиб, мезбонлар сафида ҳам четлатиш бўлди. 80-дақиқада Муса Барроу «Болонья»га ғалаба келтирган голни урди
«Интер» 64 очко билан 3-ўринда қолди. «Болонья» (41) эса 9-поғонага кўтарилди.
А Серия
30-тур баҳси
5 июль, якшанба
«Интер» — «Болонья» 1:2
Голлар: 1:0 – 22 Лукаку, 1:1 – 74 Жувара, 1:2 – 80 Барроу.«Интер»: Ҳанданович, Д`Амброзио, Бастони, де Врей, Янг (Бираги, 85), Кандрева, Брозович (Валеро, 88), Гальярдини (Весино, 88), Эриксен (Санчес, 75), Мартинес (Эспозито, 85), Лукаку.
«Болонья»: Скорупски, Ларангейра, Денсвил, Томиясу (Бани, 65), Дейкс, Схаутен, Домингес (Балдурссон, 88), Орсолини (Паласио, 65), Сориано, Сансоне (Жувара, 65), Барроу (Сванберг, 85).
Огоҳлантиришлар: Ларангейра (15), Бастони (41), Паласио (78), Жувара (79), Д`Амброзио (90).
Четлатишлар: Сориано (57), Бастони (77).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)