Қозоғистонда ўтган бир сутка ичида 1501 кишида, Қирғизистонда эса 506 кишида коронавирус аниқланди

Қозоғистонда ўтган бир сутка ичида яна 496 кишида коронавирус аниқланди, шунингдек, 1005 кишида касалликнинг белгисиз ҳолати қайд этилган. Умумий ҳисобда бир сутка давомида COVID-19 қайд этилган беморлар сони 1501 кишини ташкил этмоқда, деб хабар берди Tengrinews.

Коронавирусга чалиниш бўйича янги ҳолатлар қуйидаги ҳудудларда аниқланган:

• Нур-Султон — 49 / 119;
• Олмаота — 131 / 206;
• Чимкент — 56 / 100;
• Ақмўла вилояти — 36 / 46;
• Ақтўбе вилояти — 27 / 59;
• Олмаота вилояти — 102 / 123;
• Атирау вилояти — 267 / 327;
• Шарқий Қозоғистон вилояти — 38 / 91;
• Жамбил вилояти — 48 / 65;
• Ғарбий Қозоғистон вилояти — 50 / 50;
• Қарағанда вилояти — 50 / 77;
• Костанай вилояти — 24 / 48;
• Қизилўрда вилояти — 15 / 25;
• Манғистов вилояти — 71 / 78;
• Павлодар вилояти — 11 / 37;
• Шимолий Қозоғистон вилояти — 15 / 21;
• Туркистон вилояти — 15 / 29.

Бутун мамлакат бўйлаб коронавирусга чалинганлар сони 23 332 кишига етган. Ҳозирга қадар 14 777 киши соғайган, 188 киши вирус қурбонига айланган. Шунингдек, 20 743 киши коронавирусни белгисиз ташувчи сифатида қайд этилган.

Аввалроқ Қозоғистонда карантин чоралари кучайтирилиши тўғрисида хабар берилганди.

Қирғизистонда 3 июль ҳолатига кўра, яна 506 кишида коронавирус инфекцияси аниқланди. Бу ҳақда мамлакат Соғлиқни сақлаш вазирлигига таяниб, Kloop хабар берди.

Коронавирусга чалинган янги касалларнинг 230 нафари Бишкек шаҳри ҳисобига тўғри келмоқда. Шунингдек, қуйидаги ҳудудларда ҳам коронавирус билан касалланиш бўйича янги ҳолатлар қайд этилган:

• Чуй вилояти — 151;
• Ўш вилояти — 14;
• Ўш шаҳри — 36;
• Жалолобод вилояти — 21;
• Талас вилояти — 1;
• Иссиқкўл вилояти — 25;
• Боткен вилояти — 19.

Бутун мамлакат бўйлаб COVID-19 билан касалланганлар сони 6767 кишига етди, уларнинг 76 нафари вирус қурбонига айланган (ўтган бир сутка ичида 10 киши COVID-19 оқибатида вафот этган). Ҳозирга қадар 2655 нафар бемор даволанишга муваффақ бўлган.Афғонистонда ўтган бир сутка ичида яна 186 кишида коронавирус аниқланди, деб хабар беради Tolo News.

Мамлакат Соғлиқни сақлаш вазирлигининг маълумотларига кўра, Афғонистонда коронавирусга чалинганлар сони 32 022 кишини ташкил этмоқда.

Бутун мамлакат бўйлаб коронавирусдан ҳозирга қадар 16 041 бемор даволанишга муваффақ бўлди. Ўтган бир сутканинг ўзида 440 киши соғайган. Умумий ҳисобда 807 киши касаллик оқибатида вафот этган.

Тожикистонда коронавирус билан касалланганлар сони 6058 кишига етди, деб хабар беради «РИА Новости».

Ўтган сутка давомида яна 53 кишида коронавирус аниқланган.

Мамлакатда ўтган бир сутка ичида 63 кишига шифохонадан жавоб берилган. Тожикистонда ҳозирга қадар 52 киши COVID-19 қурбонига айланган, 4690 бемор даволанишга муваффақ бўлган.

Ўзбекистонда 3 июль соат 10:00 ҳолатига кўра, коронавирус инфекцияси қайд этилганлар сони 9199 нафарга етди. Айни пайтда мамлакатда 6034 нафар коронавирус инфекциясига чалинган фуқаро соғайган, жами 27 нафар бемор касаллик асоратлари оқибатида ҳаётдан кўз юмган.