Россиялик MMA жангчиси Сергей Харитонов марҳум Абдулманап Нурмагомедов ҳақидаги фикрлари билан ўртоқлашди.
Аввалроқ енгил вазн тоифасида UFC чемпиони Ҳабиб Нурмагомедовнинг отаси вафот этгани маълум бўлганди. Мураббий бир неча ойдан буён коронавирус ва юрагидаги муаммолар сабаб шифохонада ётганди.
«Абдулманап кўплаб машҳур ва савияли яккакурашчиларни, шу жумладан ўғли — Ҳабибни етиштирди. Унинг ўлими ҳақидаги хабар мен учун кутилмаган ҳодиса бўлди.
Нурмагомедов муносиб ҳаёт кечирди, шогирдлари ва фарзандлари у билан фахрланади. Уларнинг ичида мен ҳам борман. Уни яхши одам сифатида биламан, у самимий суҳбатдош эди. Унинг яқинларига ҳамдардлик билдираман», — дейди Харитонов.
Изоҳ (0)