2 июль куни соат 09:16 лар атрофида Учтепа тумани «Кўкча дарвоза» МФЙ ҳудудида жойлашган ошхонада ёнғин юзага келган. Бу ҳақда ФВВ матбуот хизмати хабар берди.
Таъкидланишича, тумандаги «Олмос жўжа» МЧЖга қарашли ошхонада ёнғин келиб чиққан.
Ёнғин оқибатида ошхона ички ва том қисмининг 30 квадрат метр майдонига зарар етган. Воқеа жойига 4 та ёнғин-қутқарув экипажи етиб борган. Қутқарувчиларнинг ўз вақтида амалга оширган саъй-ҳаракатлари натижасида ёнғин соат 9:36 лар атрофида тўлиқ бартараф этилган.
Аввалроқ Андижондаги тикув цехида, Сергелидаги пахта корхонаси омборхонасида, Оҳангарондаги катта дўконда, Яшнободдаги ёғ қадоқлаш цехида ёнғин чиққани тўғрисида хабарлар берилганди.
Изоҳ (0)