«Барселона» ярим ҳимоячиси Артур фаолиятини Италия чемпионатида давом эттиради.
Каталон клуби бразилиялик футболчи трансфери борасида «Ювентус» билан келишувга эришганини эълон қилди. Туринликлар Артур учун 72 миллион евро тўлайди, шунингдек, 10 миллион миқдорида бонус пуллари ҳам назарда тутилган.
Артур 2019/20 йилги мавсум охиригача «Барселона»да ҳаракат қилади. Мазкур ҳолат август ойида ўтадиган Чемпионлар Лигаси ўйинлари учун тааллуқли ёки ундай эмаслиги номаълум.
Аввалроқ «Ювентус» 23 ёшли футболчи билан беш йиллик шартнома имзолаши хабар қилинганди. Қарама-қарши йўналишда Миралем Пьянич «Барселона»га ўтади.
Эслатиб ўтамиз, «Барселона» Артурни 2018 йилнинг ёзида 31 миллион евро эвазига «Гремио»дан сотиб олганди. Унинг «Барселона» билан амалдаги шартномаси 2024 йилга қадар мўлжалланганди.
Жорий мавсум футболчи Ла Лигада 21 та ўйин ўтказиб, учтадан гол ва голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)