Хитойда сўнгги суткада коронавирус билан касалланиш бўйича 17 та ва касаллик белгисиз ўтаётган 7 та ҳолат аниқланди, беморларнинг 7 нафари соғайди. Бу ҳақда Хитой Соғлиқни сақлаш миллий комиссиясига таяниб, «РИА Новости» хабар берди.
Аниқланган ҳолатларнинг 14 таси мамлакатнинг ўзида (Пекинда), 3 таси четдан юқтирилган.
Бир кун аввал коронавирус билан касалланиш бўйича 17 та ва касаллик белгисиз ўтаётган 4 та ҳолат аниқланганди. Уларнинг аксарияти Пекиннинг Фэнтай ҳудудидаги «Синьфади» улгуржи бозори билан боғлиқ бўлиб, бозор 13 июнь куни ёпилган.
Мамлакатда умумий ҳисобда 83 500 киши коронавирусга чалинган, уларнинг 78 451 нафари соғайган, 4634 нафар бемор COVID-19 қурбонига айланган. Касалхонада 415 киши даволанишда қолмоқда.
Мавзуга доир: Трамп коронавирусни «Кунг-флю» деб аташни таклиф қилди
Касалликлар профилактикаси ва назорати маркази (KCDC) маълумотларига кўра, янги касалланиш ҳолатларининг 14 нафари Сеулда, 17 нафари эса — Кёнгидо провинцияси туманларида қайд этилган.
Ўтган бир сутка ичида 47 кишига касалхоналардан жавоб берилган. Тузалганларнинг умумий сони эса 11 364 нафарга етди. Касаллик қурбонлари сони ўзгармаган бўлиб, 282 нафарни ташкил этмоқда.
Изоҳ (0)