Фарғона вилояти Сўх туманида ташкил этилган тезкор штаб мутасаддиларининг маълумотига кўра, ҳудудда электр энергияси таъминотини яхшилаш борасидаги ишлар амалга оширилмоқда. Бу ҳақда ЎзА хабар қилган.
Туманнинг барча ҳудудларида электр энергияси таъминотида камчилик ва муаммолар мавжуд. Электр кўп ўчмаса-да, лекин аксарият маҳалла ва қишлоқларда электр энергиясини етказиб берувчи қурилма, асбоб-ускуналар бугунги замон талабларига жавоб бермайди. Сал шамол кўтарилса ёки ёғингарчилик бўлса, аҳоли соатлаб «свет»сиз қолиб кетади. Эндиликда барча мавжуд муаммо ва камчиликлар бартараф этилмоқда.
Сўх туманида электр энергияси таъминоти билан боғлиқ муаммоларни бартараф этиш бўйича 82 нафар малакали мутахассислардан иборат 13 та бригада ташкил этилган. Улар туманнинг барча ҳудудларида, хусусан, «Мулгон», «Ҳазрати Али», «Офтобру», «Чумоқча», «Зангат», «Ғазнов», «Шарқобод», «Қизилқиёқ», «Чашма», «Девайрон», «Хушёр», «Сариканда», «Янгиариқ» ва «Ленбур» маҳалла фуқаролар йиғинлари ҳудудида электр таъминотини яхшилашга қаратилган ишларни олиб борган.
Мазкур ишларни амалга ошириш учун 10 та техника ва махсус машиналар жалб этилган. Маҳаллаларда янги кабель, очиқ симлар тортиш, янги трансформаторлар ўрнатиш, эски симёғочларни замонавий темир-бетон таянчлар билан алмаштириш, мавжуд электр тақсимлагич қурилмаларини таъмирлаш, электр энергияси таъминотига тўсиқ бўладиган дарахтлар шохларини тозалаш ишлари олиб борилган. Шу кунгача «Хушёр», «Сарибозорча», «Мулгон», «Рaвoн» маҳаллаларида 8 000 метрдан ортиқроқ масофага янги СИП кабеллари тортилган. «Чумоқча», «Зангат», «Ғазнов», «Офтобру» маҳаллаларига 2 000 метрга яқин очиқ симлар тортилган.
«Туманнинг бошқа ҳудудларида ҳам бу йўналишда ишлар олиб борилмоқда. Тадбир бошидан туман ҳудудида трансформаторларни таъмирлаш, шунингдек, янги трансформаторлар ўрнатиш ишлари ҳам жадаллик билан олиб бориляпти. Жумладан, «Ленбур» маҳалласида 2 та трансформатор таъмирланган бўлса, олиб келинган барча 16 та янги трансформаторлар – биттадан «Шарқобод», «Қизилқиёқ», «Ленбур», «Себзор», «Демурсад», «Зангат», «Хушёр», «Ғазнов», «Чашма» маҳаллаларига, икккитадан «Чумоқча» ва «Гулистон» маҳаллаларига етказиб берилди. «Офтобру» маҳалласига 3 дона янги трансформатор етказилиб, ўрнатиб берилди», – дейилади хабардаСоҳа мутахассислари томонидан 90 километрга яқин масофадаги дарахт шохлари тозаланди. Туманнинг электр таъминотидаги асосий подстанцияси «Девайрон» маҳалла фуқаролар йиғинида жойлашган. Подстанциядаги асосий электр тақсимловчи қурилма вилоятдан келган мутахассислар томонидан таъмирланган.
Сўх туманида электр энергия соҳаси мутахассисларига ёрдамчи куч сифатида электр тармоқлари корхонасига 51 нафар ёшлар ишга қабул қилинган.
Изоҳ (0)