2020 йил 19 июнда қабул қилинган «Туризм соҳасини санитария-эпидемиологик хавфсизликнинг кучайтирилган режими талабларига қатъий риоя қилган ҳолда ривожлантиришга доир қўшимча чора-тадбирлар тўғрисида»ги Президент қарорига кўра 3 та вилоятдаги туроператорларга автомобиль импорт қилинаётганда тўланадиган божхона божида имтиёзлар берилди.
Ҳужжатга кўра Бухоро, Навоий ва Сурхондарё вилоятларида рўйхатга олинган туроператорларга истисно тариқасида ушбу ҳудудларда хизмат кўрсатиш учун двигатель ҳажми 2,4 литрдан кам бўлмаган юқори ўтиш қобилиятига эга транспорт воситалари импорт қилинаётганда божхона божини амалдаги ставканинг 50 фоизи миқдорида, қолган қисмини олиб кирилган санадан бошлаб 3 йил давомида тўлашга рухсат этилган.
Ушбу транспорт воситаларига давлатнинг рўйхатга олиш рақам белгиларининг алоҳида сериялари берилади ва улардан фақат Бухоро, Навоий ва Сурхондарё вилоятлари ҳудудида фойдаланишга рухсат этилиши белгиланган.Аввалроқ «Norma.uz» экспертлари Ўзбекистонда импорт қилинадиган енгил автомобилларнинг акциз солиғи бир оз тушгани, лекин бунга қарама-қарши равишда утилизация йиғими жорий қилинганини қайд этганди.
Изоҳ (0)