Футбол бўйича Cоcа Cола Ўзбекистон Кубоги мусобақасининг биринчи босқичидан ўрин олган учрашувлар 23 июнь, сешанба куни бўлиб ўтди.
«Нефтчи» ўз майдонида «Хоразм»ни қабул қилди. Дастлаб меҳмонлар бўлимлар дебютидаги голлар эвазига олдинга ўтиб олди, бироқ Фарғона клуби бунга учта тўп билан жавоб қайтара олди.
«Турон» ва «Шўртан» ўртасидаги баҳснинг асосий вақти дуранг билан якунланди. Пенальтилар сериясида эса ғузорликларнинг қўли баланд келди.
Самарқанднинг «Динамо»си «Истиқлол» майдонида меҳмон бўлди ва иккинчи бўлимда киритилган учта гол эвазига йирик ҳисобдаги ғалабани қўлга киритди. «Оқ-тепа» эса ўз уйида «Зомин»га имкон қолдирмади.
Шу тариқа ғолиб жамоалар иккинчи босқичга йўл олди. Мазкур босқичга етиб келган тўрт жамоа яна икки жуфтлик ҳосил қилади ва уларда ғолиб чиққан иккита жамоа Суперлиганинг 14 клуби билан кубокдаги юришини давом эттиради.
Cоcа Cола Ўзбекистон Кубоги
1-босқич баҳслари
23 июнь, сешанба
«Нефтчи» — «Хоразм» 3:2
Голлар: 0:1 – 9 Турсунмурод Ҳамдамов, 0:2 – 52 Норхон Шерипов, 1:2 – 64 Отабек Зокиров, 2:2 – 73 Отабек Зокиров, 3:2 – 89 Достонбек Бобожонов.«Турон» — «Шўртан» 1:1 (Пенальтилар серияси — 3:5)
Голлар: 0:1 – 64 Жасур Холтўраев, 1:1 – 76 Дилшод Хушвақов.«Истиқлол» — «Динамо» 0:3
Голлар: 0:1 – 37 Низомжон Норов, 0:2 – 55 Муҳаммадқодир Раҳимберганов, 0:3 – 77 Дамир Темиров.«Оқ-тепа» — «Зомин» 2:0
Голлар: 1:0 – 76 Иброҳим Томива, 2:0 – 80 Фарруҳ Содиқов.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)