Тошкент шаҳри Чилонзор туманида февраль ойида Б.Б.га Эрондан 2 миллионта тиббий ниқоб олиб келиб беришни ваъда қилиб, 15 950 АҚШ доллари олган ва уни шу вақтгача қайтармаган А.А. қамоққа олинди. Бу ҳақда ИИВ ҳузуридаги Тергов департаменти хабар қилган.
Қайд этилишича 43 ёшли А.А. 2020 йил 24 февраль куни 32 ёшли Б.Б. га Эрондан 2 миллион дона тиббиёт ниқоби олиб келиб беришини ваъда қилиб, ундан пулларни нақд кўринишда олган. Аммо орадан бир неча ой ўтган бўлса ҳам пулларни қайтармаган, ниқобларни ҳам олиб келиб бермаган. Маблағни ўз эҳтиёжларига ишлатиб юборган.
Мазкур ҳолат юзасидан Чилонзор тумани бўйича ИИО ФМБ ҳузуридаги Тергов бўлими томонидан жиноят иши очилган. А.А. Жиноят кодексининг 168-моддаси 4-қисми «а» банди (Фирибгарлик) жиноятини содир этганликда гумон қилиниб, эҳтиёт чораси сифатида қамоққа олинган. Мазкур жиноий иш бўйича дастлабки тергов ҳаракатлари олиб борилмоқда.
Мавзуга доир:
- Тошкентда консерваторияга ўқишга киритиш учун 5 минг доллар олган ўқитувчи қўлга тушди (видео)
- Хоразмда тадбиркорнинг «заправка» ҳужжатларини расмийлаштириб бериш учун 45 минг доллар сўраган фирибгар қўлга олинди (видео)
- Фарғонада қурилиш объектини олиб бериши эвазига 5 минг доллар сўраган қишлоқ хўжалиги ҳисобчиси фирибгарлик устида ушланди
Изоҳ (0)