Америкалик Крис Кат исмли фуқаро мамлакат бўйлаб ити билан саёҳат қилиш учун икки эшикли Honda NSX спорткарини автоуйга айлантирди, деб хабар беради Motor.
Дастлаб Honda эгаси ўзининг спорткарини қайта жиҳозлаган — олд бамперини алмаштирган, «подвеска»ни пасайтирган. Бироқ бу ҳам етарли бўлмагани учун, у NSX томига палатка ўрнатган.
Конструкциянинг биринчи варианти оддий йиғма палаткадан иборат бўлиб, спорткарнинг орқа тарафига қотирилган ва кичик зина ёрдамида юқорига кўтарилиш мумкин бўлган. Бироқ бу каби конструкциянинг мустаҳкамлиги палаткада узоқ вақт қолишга имкон бермаган.
Шунда Крис яна битта Honda NSX’нинг кузовини буюртма қилган. У кузовни иккига бўлиб, тиркамага айлантирган ва унинг устига палатка ўрнатган. Лойиҳа якунлангач, эркак ити билан АҚШдаги барча асосий миллий боғларни айланиб чиқиш ниятида.
Изоҳ (0)