Футбол бўйича Ўзбекистон Суперлигаси 5-туридан ўрин олган баҳсда «Қўқон-1912» 19 июнь, жума куни ўз майдонида «Қизилқум»ни қабул қилди.
Ҳар иккала жамоанинг эҳтиёткорлик билан бошланган учрашувнинг биринчи бўлими тенг курашлар остида ўтди ва дарвозаларга тўп киритилмади. Танаффусда Бахтиёр Ашурматовдан керакли кўрсатмаларни олган қўқонликлар 61-дақиқага келиб ҳисобда олдинга чиқиб олди. Жаримадан узатиб берилган тўпни Отабек Ҳайдаров дарвозага жойлаб қўйди. 87-дақиқада эса «Қизилқум» дарвозаси томон пенальти белгиланди. 11 метрлик зарбани Холмуҳаммедов голга айлантирди. Финал ҳуштагига яқин эса «Қўқон-1912» яна икки бор рақиб дарвозасини ишғол этди.
Мазкур ғалабадан кейин қўқонликлар очколари сонини 9 тага етказиб олган бўлса, «Қизилқум» ҳисобида ҳамон бир очко бор.
Суперлига
5-тур баҳси
19 июнь, жума
«Қўқон-1912» – «Қизилқум» 4:0
Голлар: 1:0 – 61 Ҳайдаров, 2:0 – 87 Холмуҳаммедов, 3:0 – 89 Мерзляков, 4:0 – 90+3 Синдаров.«Қўқон-1912»: Ботирали Эргашев, Бобиржон Акбаров, Суҳроб Бердиев, Қувондиқ Рўзиев, Отабек Ҳайдаров (Иқбол Маликжонов, 74), Сардор Азимов (Собит Синдаров, 46), Ойбек Рустамов, Александр Мерзляков, Иван Ёсович, Филипп Раевац (Ҳамидулла Абдуҳамидов, 46), Мурод Холмуҳаммедов.
«Қизилқум»: Артём Макосин, Руслан Маргиев, Алишер Саноев, Қадамбой Нурметов (Абди Башимов, 65), Файзулло Қамбаров, Салим Мустафоев, Шерали Жўраев, Азиз Усмонов, Навасеб Маккартни, Олег Толмасов, Дониёр Усмонов (Достон Ибрагимов, 65).
Огоҳлантиришлар: Бобиржон Акбаров (9), Азизбек Усманов (25), Нурметов (40), Файзулла Қамбаров (71).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)