Ўзбекистонда 18 июнь соат 10:00 ҳолатига кўра, коронавирусга чалинганлар сони 15 кишига кўпайиб, 5697 нафарга етди. Бу ҳақда Соғлиқни сақлаш вазирлиги хабар бермоқда.
Маълумотларга кўра, янги касалланиш ҳолатларининг 9 нафари Тошкент шаҳрида аҳоли орасида, 6 нафари Навоий вилоятида коронавирусга чалинганлар билан мулоқотда бўлиб карантинга олинганлар орасида аниқланган.
Айни пайтда қадар Ўзбекистонда 4131 нафар коронавирус инфекциясига чалинган фуқаролар (72 фоиз) соғайган.
«Ҳозирда 1547 нафар беморга шифокорлар томонидан белгиланган стандартлар бўйича даво чоралари кўрилмоқда. Улардан 12 нафари оғир аҳволда», — дейилади хабарда.
Эслатиб ўтамиз, Ўзбекистонда 17 июнь соат 23:00 ҳолатига кўра, 5682 кишида коронавирус аниқланган бўлса, 19 нафар бемор касаллик асоратларидан вафот этган.
Изоҳ (0)