Узоқ вақт кетказиб бўянганингиз билан арзимаган хатолар қиёфангизни тартибсиз кўрсатиши мумкин.
1. Тушни суркатиб суртиш
Макияж қилишда энг кўп қилинадиган хатолардан бири туш сурганда қовоққа суркатиб юбориш ва артмаслик ҳисобланади. Кўзгуга қараганда суркалган туш қолдиғи киприклар тўсиб тургани ҳисобига кўринмаслиги мумкин, лекин бу ташқи томон, хусусан, ён тарафдан яққол кўзга ташланади. Шунинг учун туш суртгандан кейин кўзгуга эътибор бериб, тартибсизликларни бартараф этиш керак.
2. Лабнинг тугалланмасдан бўялгани
Аксари аёл ва қизлар лабларини бўяганда четки бурчакни қолдириб кетади ёки бўямаса ҳам бўлади деб ҳисоблайди. Бу жуда хунук ва тартибсиз кўринади айниқса, лаб бўёғининг ранги тўқ бўлса. Шуни инобатга олган ҳолда эътибор билан макияжни тугаллашга ҳаракат қилинг.
3. Қуриган лабга бўёқ суртиш
Кейинги йўл қўйиладиган хато ҳам лабни бўяш билан боғлиқ. Лабни бўяшдан аввал, унинг ҳолати, қуриб қолмаганига эътибор бериш керак. Қуриган ва териси кўчган лаб устидан бўёқ сурса жуда ҳам хунук кўринади. Агар лабингиз қуриган бўлса, скраб билан эски терини кетказиб устидан намлантирувчи лаб балзамини суртинг, шундан кейингина бўяшингиз ва кўринишингиздан кўнглингиз тўлиши мумкин.
Изоҳ (0)