Қозоғистонда коронавирусга чалинганлар сони 15 минг кишидан ошди, Қирғизистонда эса 2,5 мингга яқинлашди

Қозоғистонда ўтган бир сутка ичида яна 383 кишида коронавирус аниқланди, деб хабар беради Tengrinews.

Мамлакат бўйлаб касаллар сонининг ортиши 2,6 фоизни ташкил этмоқда. Коронавирусга чалиниш бўйича янги ҳолатлар қуйидаги ҳудудларда аниқланган:

• Нур-Султон — 104 (3,8 фоиз);
• Қарағанда вилояти — 50 (3,3 фоиз);
• Олмаота — 34 (1,1 фоиз);
• Павлодар вилояти — 34 (9,7 фоиз);
• Чимкент — 25 (2,2 фоиз);
• Ғарбий Қозоғистон вилояти — 24 (2,5 фоиз);
• Манғистов вилояти — 18 (4,7 фоиз);
• Атирау вилояти — 14 (1,1 фоиз);
• Костанай вилояти — 13 (5,9 фоиз);
• Олмаота вилояти — 12 (2,3 фоиз);
• Оқмўла вилояти — 10 (5,1 фоиз);
• Туркистон вилояти — 10 (2,2 фоиз);
• Ақтўбе вилояти — 10 (1,9 фоиз);
• Жамбил вилояти — 9 (1,8 фоиз);
• Қизилўрда вилояти — 7 (1,4 фоиз);
• Шимолий Қозоғистон вилояти — 6 (5,4 фоиз);
• Шарқий Қозоғистон вилояти — 3 (1,1 фоиз).

Бутун мамлакат бўйлаб коронавирусга чалинганлар сони 15 192 кишига етган. Ҳозирга қадар 9388 киши соғайган, 81 киши вирус қурбонига айланган. Шунингдек, 5492 киши коронавирусни белгисиз ташувчи сифатида қайд этилган.Қирғизистонда 16 июнь ҳолатига кўра, яна 100 кишида коронавирус инфекцияси аниқланди. Бу ҳақда мамлакат Соғлиқни сақлаш вазирлиги хабар берди.

Коронавирусга чалинган янги касалларнинг 57 нафари Бишкек шаҳри ҳисобига тўғри келмоқда. Шунингдек, қуйидаги ҳудудларда ҳам коронавирус билан касалланиш бўйича янги ҳолатлар қайд этилган:

• Чуй вилояти — 11;
• Ўш шаҳри — 11;
• Ўш вилояти — 6;
• Иссиқкўл вилояти — 2;
• Талас вилояти — 3;
• Норин вилояти — 9;
• Жалолобод вилояти — 1.

Қирғизистон соғлиқни сақлаш вазири ўринбосари Нурболот Усенбаевнинг сўзларига кўра, инфекция фуқаролар ўртасида мулоқотлар ортгани сабаб аҳоли орасида ортиб бормоқда.

Касалланиш бўйича янги қайд этилган ҳолатлар орасида 14 нафар тиббиёт ходими ҳам бор.

Бутун мамлакат бўйлаб COVID-19 билан касалланганлар сони 2472 кишига етди, уларнинг 28 нафари вирус қурбонига айланган. Ҳозирга қадар 1847 нафар бемор даволанишга муваффақ бўлган.

Афғонистонда ўтган бир сутка ичида яна 761 кишида коронавирус аниқланди, деб хабар беради Tolo News.

Мамлакат Соғлиқни сақлаш вазирлигининг маълумотларига кўра, Афғонистонда коронавирусга чалинганлар сони 25 766 кишини ташкил этмоқда.

Ўтган бир сутка давомида пойтахт Кобул шаҳрининг ўзида 237 кишида коронавирус аниқланган.

Бутун мамлакат бўйлаб коронавирус оқибатида вафот этганларнинг жами сони 478 кишига етди, ҳозирга қадар 5090 бемор даволанишга муваффақ бўлди. Ўтган бир сутканинг ўзида 365 киши соғайган, ҳозирга қадар Афғонистонда коронавирусга қарши 57,5 мингдан ортиқ тест ўтказилган.

Тожикистонда коронавирус билан касалланганлар сони 5097 кишига етди, деб хабар беради «РИА Новости». Ўтган сутка давомида яна 62 кишида коронавирус аниқланган.

Мамлакатда ўтган бир сутка ичида 94 кишига шифохонадан жавоб берилган бўлиб, ҳозирда Тожикистондаги тиббиёт муассасаларида 540 киши даволанмоқда.

Мамлакатда ҳозирга қадар 50 киши COVID-19 қурбонига айланган, 3503 бемор даволанишга муваффақ бўлган.

Ўзбекистонда 16 июнь соат 10:00 ҳолатига кўра, коронавирусга чалинганлар сони 5293 нафарга етди. Ҳозирга қадар мамлакатда 4019 нафар коронавирус инфекциясига чалинган фуқаро соғайган, 19 нафар бемор COVID-19 асоратлари оқибатида вафот этган.