«Ижтимоий ходимларнинг мақоми, вазифалари, функциялари ва малакавий талаблари тўғрисидаги йўриқномани тасдиқлаш ҳақида»ги қарор 10 июнь куни Адлия вазирлигида давлат рўйхатидан ўтказилди.
Вазирлик матбуот хизматининг хабар беришича, мазкур йўриқномага кўра, ижтимоий ходим ижтимоий хизматлар кўрсатишни ташкиллаштирадиган ёки бевосита ижтимоий хизматларни кўрсатувчи зарур касбий малакага эга бўлган шахс ҳисобланади.
Ижтимоий ходимнинг қуйидаги лавозимлари мавжуд:
- барча соҳаларда ижтимоий хизматларни ташкил этиш бўйича мутахассис;
- оила, болалар ва ёшлар билан ижтимоий хизмат олиб борувчи ижтимоий ходим;
- ўзгалар парваришига муҳтож бўлган ёлғиз қариялар ва ногиронлиги бўлган шахсларни парвариш қилиш бўйича ижтимоий ходимнинг ассистенти.
Жумладан, барча соҳаларда ижтимоий хизматларни ташкил этиш бўйича мутахассис ҳуқуқий, профилактик, қўллаб-қувватловчи, реабилитацион ва терапевтик хусусиятга эга психоижтимоий хизматлар кўрсатиш орқали шахсларга оғир турмуш шароитидан чиқишга кўмаклашади.
Мавзуга доир:
Изоҳ (0)