Туркия қуролли кучлари Ироқ шимолидаги Курдистон ишчи партиясига қарши «Бургут чангали» номли ҳарбий операцияни бошлади. Бу ҳақда мамлакат Мудофаа вазирлиги ўзининг Twitter’даги саҳифаси орқали маълум қилди.
«‘Бургут чангали’ операцияси бошланди. Самолётларимиз террорчиларнинг маконини яксон этмоқда», — дейилади хабарда. Таъкидланишича, Туркия авиацияси курд кучлари яширинган ғорларни ўққа тутган.
Кейинроқ ҳарбий идоранинг аниқлик киритишича, мазкур ҳарбий операция Анқаранинг ўзини мудофаа қилиш борасидаги қонуний ҳуқуқи ҳисобланади. Шу сабабли турк қуролли кучлари Ироқ шимолидаги айрим террорчилик гуруҳларини йўқ қилмоқда.
Anadolu’нинг маълум қилишича, ҳарбий операциялар курдлар томонидан турк хавфсизлик кучларининг дислокация ҳудудлари ва полиция участкасига амалга оширган ҳужумидан сўнг бошланган.
Аввалроқ Американинг Ироқдаги базаси ракеталар ҳужумига учрагани тўғрисида хабар берилганди.
Изоҳ (0)