Тошкент вақти билан 12 июнь куни соат 09:30 да Қирғизистон ҳудудида зилзила юз берди. Бу ҳақда Ўзбекистон Фавқулодда вазиятлар вазирлигининг Сейсмопрогностик мониторинг маркази маълум қилди.
Зилзила қўшни Қирғизистонда юз берган — эпицентр Тошкентдан 326 километр, Андижондан 59 километр масофада жойлашган. Магнитудаси 3,4 га тенг, ўчоғи 10 километр чуқурликда бўлган.
Қайд этишларича, ер силкинишлари кучи Андижонда 2 баллни ташкил этган.
«Ўзбекистоннинг бошқа ҳудудларида ер силкиниши қайд этилмади. Талафотлар ва жабрланганлар тўғрисида маълумот келиб тушмади», — дейилади хабарда.
Эслатиб ўтамиз, апрелда Афғонистонда юз берган зилзила кучи Ўзбекистонда, Наманганнинг Уйчи туманида юз берган зилзила кучи эса Андижон ва Фарғонада ҳам сезилган эди.
Изоҳ (0)