Болливуднинг машҳур «Ўткинчи дунё» фильми ҳақида 10 та факт

2003 йилда Нью-Йоркда суратга олинган Болливуднинг «Ўткинчи дунё» фильми миллионлаб мухлислар қалбидан жой олган. Сюжет​нинг таъсирчанлиги, актёрларнинг маҳорати ва фильм орқали томошабинга етказилган ғоянинг долзарблиги сабаб орадан салкам 20 йил ўтган бўлса ҳам фильм қайта-қайта томоша қилинади. Эътиборингизга фильм билан боғлиқ фактларни ҳавола этамиз.

1. Фильмдаги Прити Зинта гавдалантирган Нейна ролига Карина Капур таклиф қилинган бўлган, лекин унинг ортиқча талаблари сабаб фильм ижодкорлари бошқа актрисани маъқул билишган. Шундан кейин фильм продюссери Каран Жоҳар ва Карина Капур деярли 1 йил гаплашмай юрган.

2. Каран Жоҳар Рой Орбинсон ижросидаги Pretty woman қўшиғини яхши кўрганидан «Ўткинчи дунё» фильми учун қўшиқни қайта ишлаш ҳуқуқини қўлга киритган.

3. Каран Жоҳар аввалига фильмни «Ҳеч қачон алвидо деманг» деб номлашни истаган, аммо кейинроқ фикридан қайтган. Шунга қарамай, 3 йилдан кейин тақдим қилинган Шоҳрух Хон, Прити Зинта, Рани Мукержи ва Абхишек Баччан рол ижро қилган бошқа бир фильмни «Ҳеч қачон алвидо деманг» деб номлаган.

4. Фильм Каран Жоҳарнинг ғояси бўлишига қарамай, ёш ижодкор Никҳил Адванинг дебюти бўлган ва таниқли режиссёрларникидан ҳам омадлироқ чиққан.

5. Фильмнинг машҳур Каl hо nаа hо қўшиғи яратилиши ғоясига «Титаник» соундтреки — Селин Дион томонидан ижро қилинган Мy heart will go on сабаб бўлган. Никҳил ва фильм композитори Шанкар ресторанда ўтирганида ушбу қўшиқ янграган. Никҳил шунга ўхшаш қўшиқ яратилишини исташини билдирганидан кейин эса композитор мусиқани ёзишга киришган.

6. Шоҳрух Хон фильмда рол ижро қилмай қолишига бир баҳя қолган. Суратга олиш жараёнининг бешинчи кунида актёр Каран Жоҳарга телефон қилиб, касал бўлиб қолгани сабаб суратга тушишда давом этолмаслигини билдирган. Бунга жавобан Никҳил Каран Жоҳардан Шоҳрух Хон тузалгунича кутиб туришни сўраган. Суратга олиш жамоаси Болливуд қиролининг буткул тузалишини 6 ой кутган.

7. Саиф Али Хон ижро қилган Роҳит ролини Абхишек Баччан ёки Вивек Оберой гавдалантириши мумкин эди.

8. Нейнанинг онаси ролини Нита Капур ижро қилиши мумкин эди, лекин рол Жая Баччанга насиб қилган.

9. Фильм бошланганида Нейнанинг югуриш саҳнаси бор. Маълум бўлишича у вақтда Принти Зинтанинг жароҳати борлиги сабаб унинг ўнига модель ушбу эпизодни ижро қилган.

10. Нейнанинг синглиси Жиянинг қўғирчоғини ушбу саҳна суратга олгунига қадар Прити Зинтанинг ўзи ясаган.