Ўзбекистон Президентининг қарорига кўра, ахборот технологиялари ва коммуникацияларини ривожлантириш вазирига 2 нафар янги ўринбосар тайинланди. Бу ҳақда «Gazeta.uz» ҳукуматдаги манбасига таяниб, хабар берди.
Президент қарорига кўра, Олег Пекось АТКР вазирининг рақамли иқтисодиёт ва электрон ҳукумат масалалари бўйича биринчи ўринбосари лавозимига, Жамол Махсудов вазирнинг телекоммуникация инфратузилмаси масалалари бўйича ўринбосари лавозимига тайинланган.
Шунингдек, Ахборот технологиялари ва коммуникацияларини ривожлантириш вазирлиги маркази аппаратининг янги тузилмаси тасдиқлангани муносабати билан, 3 нафар амалдаги вазир ўринбосарининг ваколат доираларига аниқлик киритилган.
Бунда, Жамшид Эгамбердиев АТКР вазирининг инвестициялар ва молия масалалари бўйича ўринбосари, Баҳромжон Олматов вазирнинг ахборот хавфсизлиги ва режим масалалари бўйича ўринбосари ва Қаҳрамон Юлдашев вазирнинг аграр соҳасини рақамлаштириш масалалари бўйича ўринбосари лавозимларига тайинланди.
Аввалроқ АТКР вазирининг биринчи ўринбосари Олимжон Умаров бош вазир маслаҳатчиси — IT-технологиялар, телекоммуникация ва инновацион фаолиятни ривожлантириш департаменти раҳбари этиб тайинланганлиги тўғрисида хабар берилганди. Умаров ушбу лавозимни 2017 йилнинг июнь ойидан бери эгаллаб келаётган эди.
Изоҳ (0)